Фото: Алматы Орталық мешіті Ораза айт мерекесін атап өтті

024

25.06.201701840
Әлем мұсылмандары бір күнде атап өтетін Ид әл-фитр, яғни Ораза айт мерекесі де келіп жетті. Алматы Орталық мешітіне мерекелік Айт намазын оқуға келген жұртшылық жылдағыдай ерекше әсер тосып, үлкендерге ілесе келген бүлдіршінде ре қызық күтуде...

Таңғы сағат 6:00-де мерекелік бағдарлама басталды: Орталық мешіттің наиб имамы Дулатбаев Жорабай айт мерекесінің мәртебесі жайлы әсерлі уағыз айтып, артынша Бас имам Нұрбек қажы Ауесханұлы Алматы қаласының тұрғындары мен қонақтарын Айт мерекесімен құттықтап, ҚМДБ Бас мүфтиі, хазрет Ержан қажы Малғажыұлының құттықтау сөздерін жеткізді.

Имам Нұрбек қажы Ауесханұлының артынан Айт намазы оқылғаннан соң, Пайғамбарымыз (ол кісіге Алланың игілігі мен сәлемі болсын), сүннетіне сай, Ахметов Серік қари мерекелік хұтба оқып, артынша ел-жұрт амандығы үшін дұға жасалды.

Мерекенің ресми бөлімі аяқталып, думанды доданың тұсауын кір тас көтеру сайысы ашты: тепсе темір үзетін тас білекті жігіттер сайысқа түсіп, қара күштерімен талайды таң қалдырып тастаса, ендігі шетте бір топ арқан тартысып, үшіншілері асық атып, мергендіктерін сынауға кірісіп кетті.

«Білекті ер бірді жеңер, білімді ер мыңды жеңер» деген ұстанымда жүрген бауырларымыз бақтарын «101 сұрақ – 1001 сыйлық» сайысына түсіп, өздерінің де, өзгелердің де шариғи сауаттылығын бәсекеге салып жатты. Бұл сайыстың жүлдесіне кітаптар қойылған еді.

Балаларсыз мереке бола ма? Мерекенің қызығы ойын-күлкіде екеніне дау жоқ. Бүлдіршіндер де мешіт алаңында қапы қалып жатпады: Орталық мешіттің суретін салу сайысы арқан тартудан асып түспесе кем болған емес. Бар шеберліктерін салып, жас суретшілеріміз алаңға Орталық мешіттің бірнеше нұсқаларын тіз қатарынан салып тастады. Ең үздік суретшіге имам Ағзам Әбу Ханифаның өмір баяны жайлы кітап, қалғандарына «Намаз оқып үйренейік» кітапшалары сыйға тартылды.

Міне, осылайша Алматы Орталық мешіт ұжымы Ораза Айт мерекесін атап өтіп, елдің бірлігін, жамағаттың ауызбіршілігін нығайту жолында тағы бір сауапты іс-шара ұйымдастырып, өткізді.
Алла Тағала Рамазан айы бойы ұстаған оразаларымызды қабыл етсін, еліміз тыныш, жұртымыз аман болып, мерейіміз асқақтай берсін. Айт мерекесі құтты болсын!
 
Алматы Орталық мешіттің баспасөз қызметі.   

















































25.06.2017

   
   
 


Статья закрыта от комментирования

Новости мечети

 

Сейчас обсуждают

Ассалямуалейкум!По воле Аллаха произвели закуп продуктовых корзин на 20 семей. Продукты доставлены...
07.04.2017 12:52
 
Ассаляму алейкум. Комментирование и создание блогов в разделе "Наша Умма" временно приостановлено в...
24.08.2016 12:59
 
Ассалам Алейкум!
23.08.2016 12:12
 
Ассаляму алейкум!я жду курсов с декабря месяца СубханАллах, и только вчера увидела обьявление о...
19.08.2016 11:54
 
 

 
Из истории: Наказание за убийство мусульманина ✅
Посланник Аллаха (саллаллаху алейхи ва саллям), прежде чем отправиться из Лучезарной Медины, направил Абу Катада (радыйаллаху анху) в сторону Наджда с отрядом, дабы ввести врага в заблуждение. Когда...Читать далее
22549
 
Предписания, содержащиеся в Коране ✅
В Коране содержатся предписания на все периоды жизни человека. Эти предписания можно собрать под тремя основными заголовками:1. Предписания веры (и’тикâд): предмет богословского учения...Читать далее
22984